भागरथीलाई न्यायको माग राख्दै ग्रामीण आदर्श र एनआर क्याम्पसमा नेविसंघको प्रदर्शन

हाम्रा कुरा

प्रकाशित २०७७ माघ २९ बिहिबार

काठमाडौं । बैतडीकी किशोरी भागरथी भट्टको बलात्कारपछि हत्या भएको घटनाको विरोधमा ग्रामीण आदर्श बहुमुखी क्याम्पस र एनआर बहुमुखी क्याम्पस नेपाल विद्यार्थी संघका नेताकार्यकर्ताले र विद्यार्थीलेविरोध प्रदर्शन गरेका छन् ।

सरकारले बलात्कारीलाई सजाय दिन आनाकानी गरेको भन्दै विद्यार्थीहरूले चर्को नारा लगाएका थिए। नेपालटार क्याम्पस गेटबाट नाराबाजी गर्दै नेविसंघका नेता कार्यकर्ता ,विद्यार्थीहरु बाइपास हुँदै माछापोखरी चोक पुगेर कोण सभा गरेका थिए।

कोण सभामा प्रमुख बक्ता नेविसघका पुर्ब केन्द्रिय सदस्य शुशिल भट्ट ,विद्यार्थी नेताहरु निरन्जन थापा,पबन थापा,सन्तोष गुरुङ ,स्वेच्छा उप्रेती ,लक्ष्मी सिलवाल, जीवन राना ,किरण भट्टराई ,सुबास घिमिरे ,प्रबिन गुरुङ ,स्थानीय नेपाली कांग्रेसका नेता मनोज राना लगायतले सम्बोधन गरेका थिय।

कोण सभामा सम्बोधन गर्ने नेताहरूले ‘बलात्कारीलाई कानुनी कारबाही गर्न, ‘भागरथी, निर्मला, सम्झना कामीलगायतको न्यायको माग गर्दै करिब एक घन्टा चक्काजामसमेत गराए।

बलात्कारीलाई सरकारले तत्काल पहिचान गरेर निर्मला, सम्झना र भागरथीका हत्याराहरुलाई कारबाहीको दायरामा नल्याउन्जेल आफूहरुले आन्दोलन जारी राख्ने नेविसंघ नेता सुशील भट्टले बताए ।