मङ्गलवार उकालो लागेको सुन बुधवार ओरालो लाग्यो

प्रकाशित २०७७ फागुन १२ बुधबार

काठमाडौँ । स्थानीय बजारमा बुधवार सुनको मूल्य तोलामा रु ३०० ले ओरालो लागेको छ । तोलामा नै रु एक हजार १०० ले मङ्गलवार उकालो लागेको सुन बुधवार भने झिनो अङ्कका साथ ओरालो लागेको हो ।

नेपाल सुनचाँदी व्यवसायी महासङ्घका अनुसार छापावाला सुन तोलामा रु ८९ हजार ८०० मा कारोबार हुने गरी मूल्य निर्धारण भएको छ । छापावाला सुन मङ्गलवार तोलामा रु ९० हजार १०० मा कारोबार भएको थियो ।

यस्तै तेजाबी सुन तोलामा रु ८९ हजार ३५० मा कारोबार हुने गरी मूल्य निर्धारण भएको छ । तेजाबी सुन मङ्गलवार तोलामा रु ८९ हजार ६५० मा कारोबार भएको थियो ।