-
-
-
-
काठमाडौं । मस्तिष्कघात भएपछि अस्पतालमा उपचाररत नेपाली कांग्रेसका केन्द्रीय सदस्य नवीन्द्रराज जोशीको स्वास्थ्यमा सामान्य सुधार आएको छ ।
गत बिहीबार राति मस्तिष्कघात भएपछि अस्पताल लगिएका जोशीको हाल नर्भिक अस्पतालमा उपचार भइरहेको छ ।
शुक्रबार बिहान मस्तिष्कको शल्यक्रिया गरी उपचार थालिएको जोशीको मष्तिष्कमा जमेको रगत र पानी निकालेर उपचार भइरहेको हो ।
शुक्रबार खासै सुधार नदेखिएको उनको स्वास्थ्यमा शनिबार सामान्य सुधार आएको थियो । तर आइतबार बिहान गरिएको सिटी स्क्यान रिपोर्टमा सुधार देखिएको उपचारमा संलग्न वरिष्ठ सर्जन डा. राजीव झाले बताए ।
उनको शरीरको देब्रे भागमा समस्या देखिएको छ । दाहिने भाग भने बिस्तारै चल्न थालेको छ ।
