-
-
-
-
काठमाडौं । नेपाली कांग्रेसका सभापति शेरबहादुर देउवाले कांग्रेस विपक्षी पार्टी भएकाले सरकारमा नजाने स्पष्ट पारेका छन् ।
अशोक कोइरालाको निधनमा श्रद्धाञ्जलि तथा परिवारलाई समवेदना दिन मंगलबार विराटनगर पुगेका देउवाले विमानस्थलमा पत्रकारहरुसँग कुरा गर्दै सरकारमा नजाने स्पष्ट पारेका हुन् ।
उनले भने, कांग्रेस विपक्षी पार्टी हो, सरकारमा जाने कुरा हुँदैन् ।’ देउवाले संसदमा सरकारविरुद्ध अविश्वासको प्रस्ताव लैजानेबारेमा पनि आफ्नो पार्टीले अगुवाइ नगर्ने बताए ।
अविश्वासको प्रस्तावका विषयमा कांग्रेससँग छलफल नभएको भन्दै अरुले नै अविश्वास प्रस्ताव लैजाने बताए । शोकमा रहेको कोइराला परिवारलाई भेटेर देउवा धरानमा आयोजना हुने एक कार्यक्रममा सहभागी हुनेछन् ।
