-
-
-
-
लस एन्जलस । सफ्टवेयर कम्पनी एडोबका संस्थापक चाल्र्स चक गेस्चेको ८१ वर्षको उमेरमा निधन भएको छ । पोर्टबल डकुमेन्ट फर्माट (पिडिएफ) का निर्माता समेत रहेका गेस्चेको शुक्रवार निधन भएको कम्पनीले जनाएको छ । उनी सान फ्रान्सिस्कोमा बस्दै आएका थिए ।
एडोबका प्रमुख कार्यकारी शान्तनु नारायनले कम्पनीका कर्मचारीलाई लेखेको इमेलमा कम्पनीका हिरोका रूपमा परिचित गेस्चेको निधनले एडोब परिवारमा गहिरो चोट पुगेको उल्लेख छ ।
गेस्चेको निर्देशनमा एडोबले विश्व प्रसिद्ध सफ्टवेयरहरू पिडिएफ, एक्रोब्याट, इलस्ट्रेटर, प्रिमियर प्रो र फोटोसप बनाइसकेको छ । यी सफ्टवेयर निकै लोकप्रिय छन् ।
सन् २००९ मा राष्ट्रपति बाराक ओबामाले गेस्चेलाई प्रविधि क्षेत्रको राष्ट्रिय पदकले सम्मानित गरेका थिए ।
