-
-
-
-
काठमाडौं । काठमाडौंमा भइरहेको त्रिकोणात्मक टी–२० क्रिकेट सिरिज अन्तर्गत बुधबार नेदरल्यान्ड्स र मलेसियाबीच प्रतिस्पर्धा हुँदैछ ।
खेल टियु क्रिकेट मैदानमा १२ः१५ बजे शुरु हुनेछ । काठमाडौंको मौसम बिग्रिएकाले वर्षाले खेलमा भिलेन खेल्न सक्ने अनुमान गरिएको छ ।
यो खेलमा जिन निकालेर नेदरल्यान्ड्स फाइनल पुग्ने लक्ष्यमा रहेको छ । मलेसियालाई हराएमा नेदरल्यान्ड्सले फाइनलमा स्थान बनाउने छ । मलेसिया भने पहिलो जितको खोजीमा छ ।
मलेसिया पनि नेदरल्यान्ड्सलाई हराएर फाइनल पुग्ने सम्भावना कायम राख्न चाहन्छ । मलेसियालाई फाइनल पुग्न अब बाँकी रहेको दुई खेल जित्नै पर्ने दबाब रहेको छ ।
पहिलो भेटमा नेदरल्यान्ड्सले मलेसियालाई १५ रनले हराएको थियो ।
नेदरल्यान्ड्ससँगको खेल गुमाएमा मलेसिया बाहिरिने छ । मलेसिया बाहिरिँदा नेदरल्यान्ड्स र नेपाल भने फाइनल पुग्नेछन् ।
वर्षा भएर खेल पूरा नभएमा दुवै टिमले १–१ अंक बाँड्ने छन् । खेल बराबरी हुँदा पनि नेदरल्यान्ड्स र नेपाल फाइनलमा पुग्नेछन् ।
राउण्ड रोबिनको आधारमा जारी सिरिजको शीर्ष दुई टोलीले उपाधिका लागि शनिबार खेल्नेछ ।
अंक तालिका
नेपाल ३ खेलमा ४ अंक जोडेर शीर्ष स्थानमा रहेको छ ।
३ खेलमा ४ अंक जोडेको नेदरल्यान्ड्स दोस्रो स्थानमा रहेको छ ।
दुवै खेलमा अंक जोड्न नसकेको मलेसिया पुछारमा रहेको छ ।
