-
-
-
-
काठमाडौं । नेपाली कांग्रेसको निर्वाचन समितिको संयोजकमा महादेवप्रसाद यादवलाई मनोनयन गरिएको छ ।
बुधवार बसेको कांग्रेस पदाधिकारी तथा पूर्व पदाधिकारी बैठकले पार्टीको निर्वाचन समितिको जिम्मा यादवलाई दिएको हो । कांग्रेस प्रमुख सचेतक बालकृष्ण खाँणले पार्टीको पदाधिकारी बैठकले यादवलाई निर्वाचन समितिको संयोजक बनाएको जानकारी दिएका हुन् ।
यसअघि सो पदमा राधेश्याम अधिकारी थिए । उनले गत २० चैतमा राजीनामा दिए पछि सो पद रिक्त थियो । समितिका संयोजक तोकिएका यादव पूर्वमहानन्यायाधिवक्ता तथा राष्ट्रिय सभाका पूर्वसदस्य हुन् ।
बैठकले यसअघि निर्वाचन समितिले टुङ्गाउन नसकेको निर्वाचन सम्बन्धी विवाद समितिले नै टुङ्गाउने सहमतिसमेत भएको बताइएको छ ।
