काठमाडौँ । नेकपा (एमाले)ले आपसमा असमझदारी र असहयोग बढ्ने कुनै पनि खालका गतिविधि र अभिव्यक्ति नदिन पार्टी पङ्क्तिलाई आव्हान गरेको छ ।
प्रधानमन्त्री तथा मन्त्रिपरिषद् कार्यालयमा आज बसेको कार्यदल बैठकले कुनै पनि असमझदारी र असहयोग बढ्ने कार्य नगर्न नेता तथा कार्यकर्तालाई आवह गरेको हो ।
एमालेका प्रवक्ता एवं कार्यदलका सदस्य प्रदीपकुमार ज्ञवालीले कार्यदलले पार्टीले एकता र समझदारीलाई वृद्धि गर्न तथा एक आपसमा अविश्वास, असहयोग र अन्तर्विरोध सिर्जना हुने गतिविधि नगर्ने निर्णय गरिएको बताए ।
उनले पार्टीभित्र देखिएका समस्यालाई यथोचित रूपमा समाधान गर्दै पार्टीलाई एकताबद्ध रूपमा अघि बढाउन पार्टी पङ्क्तिलाई सहयोग र सद्भाव लागि आवह गर्ने निर्णय समेत गरिएको जानकारी दिए । आजको बैठकले कार्यदलको कार्यक्षेत्र, कार्यविधि र आचारसंहिता तयारी गरी लागु गर्ने निर्णय समेत गरेको छ ।
थापा नै आधिकारिक उम्मेदवार
नेता ज्ञवालीले राष्ट्रियसभाको आसन्न उपनिर्वाचनमा पार्टीका तर्फबाट उम्मेदवार भएका रामबहादुर थापा ‘बादल’ लाई पार्टीले मतदान गर्ने निर्णय समेत गरिएको जानकारी दिए ।
