क्रिप्टोकरेन्सीमा चीनकाे कडाइ : ६४ हजार डलर मूल्य पुगेको बिटक्वाइन ३९ हजार झर्याे

हाम्रा कुरा

प्रकाशित २०७८ जेठ ६ बिहिबार

काठमाडौँ । बुधवार बिटक्वैनको मूल्य यो महिनामा तेस्रो पटक घटेसँगै ३४ हजार अमेरिकी डलरमा झरेको छ । गत अप्रिल १४ मा ६४ हजार अमेरिकी डलर मूल्य पुगेको बिटक्वैन आज करिब ३९ हजार अमेरिकी डलरमा कारोबार भइरहेको छ ।

बेइजिङले मङ्गलवार बैङ्क एवं वित्तीय संस्थाहरूलाई क्रिप्टाेकरेन्सीकाे काराेबार सम्बन्धित सेवाहरू गर्न रोक लगाएको छ । योसँगै बिटक्वैनको मूल्यमा झनै गिरावट आएको हो ।

यसअघि टेस्ला कम्पनीका सीईओ एलन मस्कले टेस्लाले कार खरिदका लागि बिटक्वैनलाई स्वीकार नगर्ने बताएपछि पनि बिटक्वैनको मूल्य घटेको थियो । बिटक्वैन बाहेकका क्रिप्टो करेन्सी इथेरिय र डोगेकोइनले समेत मूल्य गुमाएको छ ।