- सुन चाँदी दर
- विनिमय दर
- नेपाली पात्रो
- राशिफल
काठमाडौं । राष्ट्रिय प्रजातन्त्र पार्टी (राप्रपा)को एकता महाधिवेशन कार्तिक २७ देखि ३० गतेसम्म काठमाडौंमा हुने भएको छ ।
शनिबार अध्यक्ष पशुपतिशमशेर राणको अध्यक्षतामा बसेको राप्रपाको केन्द्रीय निर्देशन समितिको बैठकले २७, २८, २९ र ३० कार्तिकसम्म पार्टीको एकता महाधिवेशन काठमाडौंमा गर्ने गरी कार्यतालिका अनुमोदन गरेको हो ।
नेता जनकराज पाठकका अनुसार राप्रपाले वडारगाउँरनगररप्रदेशसभा निर्वाचन क्षेत्र, प्रतिनिधिसभा निर्वाचन क्षेत्र र जिल्ला कार्य समितिको निर्वाचन भदौ मसान्तसम्म सम्पन्न गर्ने भएको छ ।
यस्तै सक्रिय सदस्यता भदौ मसान्तसम्म वितरण गरिसक्ने र ७ असोजसम्म केन्द्रीय निर्वाचन समितिलाई उपलब्ध गराउने, २० असोजसम्म प्रदेशसभा निर्वाचन क्षेत्रमा सक्रिय सदस्यहरुबाट महाधिवेशन प्रतिनिधिको निर्वाचन गर्ने राप्रपाको निर्णय छ ।
यस्तै प्रदेश कार्य समितिको निर्वाचन १५ असोजसम्म गर्ने निर्णय भएको छ । यसअघि तय राप्रपाको महाधिवेशन कोरोना संक्रमणका कारण स्थगित गरिएको थियो ।
यसअघि २५ देखि २७ जेठसम्म महाधिवेशन गर्ने राप्रपाको निर्णय थियो । राप्रपा र राप्रपा (संयुक्त) बीच पार्टी एकीकरण भएपछि राप्रपाको एकता महाधिवेशन हुन लागेको हो ।