- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेकपा एमालेका अध्यक्ष केपी ओलीले पार्टी भित्र देखिएको विवादको विषयमा सबैलाई आममाफी दिने बताएका छन् । पुष्पलाल स्मृति दिवसको अवसरमा बिहीबार काठमाडौंमा आयोजित एक कार्यक्रमलाई सम्बोधन गर्दै ओलीले सबैलाई पार्टीमा फर्किन र मिलेर काम गर्न आग्रह गरे ।
‘बाटो बिराएका, भड्किएका साथीहरूलाई पनि आग्रह गर्न चाहन्छु, पार्टी र आन्दोलनको एकताका लागि सबैलाई एम्नेष्टि इज ग्रान्टेड ।’
सो कार्यक्रममा ओलीले अझै पनि नेकपा एमाले स्थानीय तहदेखि केन्द्रसम्म नै प्रमुख शक्तिका रूपमा रहेकोसमेत दाबी गरे ।
ओलीले कुनै पनि विकल्पबाट सरकार ढाल्न नसकेपछि आफ्नो नेतृत्वको सरकार ढाल्न सर्वोच्च अदालतको परमादेशको सहारा लिएकोसमेत बताए ।
उनले अब को कहाँ छ भन्ने छाडेर देश र जनताको कुरा गर्न तथा पार्टी एकताको कुरा गर्न सबैमा आग्रहसमेत गरे ।