-
-
-
-
कावासोती । नवलपुरमा मृत गैँडा फेला परेको छ । चितवन राष्ट्रिय निकुञ्जको पश्चिम सेक्टरमा पर्ने कावासोती-७ मा रहेको नमुना मध्यवर्ती सामुदायिक वनमा पोथी गैँडा मृत फेला परेको हो ।
सामुदायिक वनको पश्चिम तर्फको गेटमा गैँडा मृत देखे पछि वन हेरालुले निकुञ्ज प्रशासनमा खबर गरेका थिए । मृत अवस्थामा फेला परेको गैँडाको खाग र खुर सुरक्षित रहेको छ ।
गैँडा रोगी र कमजोर रहेको र वनमा लगाइएको झटका दिने करेन्टमा परी लडेर मरेको हुन सक्ने प्रारम्भिक अनुसन्धानबाट देखिएको चितवन राष्ट्रिय निकुञ्जका चिकित्सक डा विजयकुमार श्रेष्ठले बताए ।
यो सँगै चालू आ.व ०७८/७९ मा मर्ने गैँडाको सङ्ख्या ४ पुगेको हो ।
