-
-
-
-
कावासोती । पछिल्लो २४ घण्टामा नवलपुरमा ८२ जनामा कोरोना सङ्क्रमण पुष्टि भएको छ । बुधवार जिल्लामा गरिएको एन्टिजेन तथा पिसिआर परीक्षणमा ८२ जनामा कोरोना सङ्क्रमण पुष्टि भएको जिल्ला स्वास्थ्य कार्यालय नवलपुरले जनाएको छ ।
बुधवार जिल्लाको गैँडाकोटमा २१, देवचुलीमा १५, कावासोतीमा ३०, मध्य विन्दुमा ७, विनयी त्रिवेणीमा ८ र हुप्सेकोटमा १ जना संक्रमित थपिएका जिल्ला स्वास्थ्य कार्यालयले जनाएको छ ।
बुधवार थपिएका ८२ संक्रमित सहित जिल्लामा सक्रिय सङ्क्रमितको सङ्ख्या ७९१ पुगेको छ ।
त्यसै गरी बुधवार जिल्लामा ३ कोरोना सङ्क्रमितको निधन भएको स्वास्थ्य कार्यालयले जनाएको छ । कोरोनाको दोस्रो लहर सुरु भए सँगै जिल्लामा कोरोना सङ्क्रमणले मृत्यु हुनेको सङ्ख्या ११३ पुगेको छ ।
