पुष्पलाल, बीपी, गणेशमान र मदन भण्डारी कसैको पेवा होइनन् : कोमल वली

हाम्रा कुरा

प्रकाशित २०७८ साउन २७ बुधबार

काठमाडौं । राष्ट्रिय सभा सदस्य कोमल वलीले जसले देशको निर्माण गरे, विचार दिए, दृष्टिकोण दिए तिनीहरुलाई सत्ता पक्ष र प्रतिपक्षमा हेर्न नहुने धारणा राखेकी छिन् ।

उनले पुष्पलाल, बीपी, गणेशमान र मदन भण्डारी कसैको पेवा नभएको बताउँदै उनीहरुलाई सम्मान र आदर्श गर्न कुनै सीमाले रोक्न नहुने र उनीहरुले गरेको योगदानलाई कुनै व्यक्ति वा पार्टीले संकुचित गर्न नपाइने बताइन् ।

बुधबार राष्ट्रिय सभा बैठकमा बोल्दै वलीले भनिन्, ‘जसले देशको निर्माण गरे, विचार दिए, दृष्टिकोण दिए तिनीहरुलाई सत्ता पक्ष र प्रतिपक्षमा हेर्न हुँदैन् ।’ इतिहास कसैले बंग्याउन नहुने उनको भनाइ थियो ।