-
-
-
-
काठमाडौँ । सरकारले प्रभुराम शर्मालाई नेपाली सेनाको प्रधानसेनापति नियुक्तिका लागि सिफारिस गरेको छ ।
बिहीबार बसेको मन्त्रिपरिषद् बैठकले शर्मालाई नेपाली सेनाको प्रधानसेनापतिमा नियुक्त गर्न राष्ट्रपतिसमक्ष सिफारिस गर्ने निर्णय गरेको सरकारका प्रवक्ता कानुन मन्त्री ज्ञानेन्द्रबहादुर कार्कीले जानकारी दिए । शर्मा हाल कायममुकायम प्रधानसेनापतिको भूमिकामा छन् ।
वर्तमान प्रधानसेनापति पूर्णचन्द्र थापाको तीन वर्षे पदावधि २४ भदौसम्म छ । त्यसपछि शर्मा नेपाली सेनाको प्रधानसेनापति बन्ने छन् ।
