-
-
-
-
पोखरा । टिपरको ढालाले च्यापिएर पोखरामा एक युवकको मृत्यु भएको छ । मृत्यु हुनेमा सिन्धुली दूधौली नगरपालिका वडा नं. ५ का २८ वर्षका अजय रोक्का रहेका छन् ।
पोखरा महानगरपालिका वडा नं. १४ खाल्टे मसिनामा ग२ख २२४ नम्बरको टिपरमा सामान लोड, अनलोड गर्ने क्रममा उनलाई ढालाले लाग्दा गम्भीर घाइते भएका थिए ।
उनको पृथ्वीचोकस्थित पश्चिमाञ्चल सामुदायिक अस्पतालमा बुधवार साँझ मृत्यु भएको प्रहरीले जनाएको छ ।
घटना पश्चात् टिपर चालकलाई प्रहरीले नियन्त्रणमा लिएर अनुसन्धान सुरु गरेको बताइन्छ ।
