देश बनाउन एमाले चाहिन्छ : ओली

हाम्रा कुरा

प्रकाशित २०७८ भदौ ३० बुधबार

बुटवल । नेकपा (एमाले)का अध्यक्ष केपी शर्मा ओलीले देश बनाउन एमाले चाहिने बताएका छन् । नेकपा (एमाले) रुपन्देहीले बुधवार बुटवलमा आयोजना गरेको अगुवा कार्यकर्ता भेलालाई सम्बोधन गर्दै अध्यक्ष ओलीले भने, “देश बनाउन एमाले चाहिन्छ भन्ने कुरा सिद्धबाबाको सुरुङ मार्ग, भैरहवा एयरपोर्ट र लुम्बिनीलगायत विकासका पूर्वाधार हेरे पुग्छ ।”

पूर्व प्रधानमन्त्री समेत रहेका ओलीले नेकपा(एमाले) सरकारमा हुँदा विकास निर्माणका गतिविधि तीव्र गतिमा अगाडि बढेको दाबी गरे । उनले विकासका कामहरू अगाडि बढाउन एमाले पार्टी नै चाहिने दाबी गरे । उनले एमालेलाई बलियो बनाउन कार्यकर्ताको योगदान रहेको भन्दै उनले अझै सक्रिय भएर काम गर्नुपर्नेमा जोड दिए ।