-
-
-
-
काठमाडौं । नेपाली कांग्रेस दोलखाको सभापतिमा बर्मा लामा विजयी भएका छन्। सोमवार भएको मतदानमा कुल १३७३ खसेको मतमध्ये लामाले ८७७ मत पाए साथै उनका प्रतिद्वन्द्वी तारा खड्काले ४८५ मत प्राप्त गरेको निर्वाचन समितिले जनाएको छ।
दोस्रो चरणमा सबैभन्दा बढी मत ल्याएका लामा र खड्काबीच प्रतिस्पर्धा भएको हो। खड्का सिटौला पक्षका हुन् भने लामा वरिष्ठ नेता रामचन्द्र पौडेल पक्षका हुन ।
पहिलो चरणको निर्वाचनमा चार जना उम्मेद्वार रहेकोमा कसैले पनि ५० प्रतिशत कटाउन नसकेपछि दोस्रो चरणको निर्वाचनबाट लामा सभापतिमा निर्वाचित भएका हुन्।
पहिलो चरणको मतदानमा लामाले ६४३ मत प्राप्त गरेका थिए भने खड्काले ३९७ मत पाएका थिए। रुद्रबहादुर खड्काले ३५८ मत ल्याउँदा केशवराज चौलागाईंले ९५ मत पाएका थिए।
