- सुन चाँदी दर
- विनिमय दर
- नेपाली पात्रो
- राशिफल
काठमाडौं । राजीनामा नदिने अडानमा रहेका प्रधानन्यायाधीश चोलेन्द्र शमशेर जबराले सोमबारका लागि आफूसहितको इजलास तोकेका छन्।
यसअघि आफ्ना लागि इजलास नतोकेका जबराले सोमबार भने न्यायाधीश कुमार चुडाल रहेको संयुक्त इजलास तोकेका हुन् । तिहार विदापछि उनले पहिलो इजलास तोकेका हुन् ।
सोमबारका लागि जबराले सबै सबै इजलास बन्दी प्रत्यक्षीकरणको मात्र तोकेका हुन् । कुल ६ वटा इजलास तोकिएकोमा ७ वटा मुद्दा सुनुवाइका लागि पेसीमा चढेका छन् ।
सोमबार विश्वम्भरप्रसाद श्रेष्ठ र मनोज कुमार शर्मा, बमकुमार श्रेष्ठको एकल इजलास तोकिएको छ । कुमार चुडालको पनि एकल इजलास छ । त्यस्तै प्रकाश कुमार ढुंगाना र कुमार रेग्मीको साथै तेज बहादुर केसी र नहकुल सुवेदीको संयुक्त इजलास तोकिएको छ।
यता, नेपाल बार एसोसिएसनले भने आन्दोलनका कार्यक्रमलाई निरन्तरता दिने भएको छ । प्रधानन्यायाधीको राजीनामा माग राख्दै बारले विरोध कार्यक्रमलाई निरन्तरता दिने भएको हो । बारले आन्दोलनलाई थप कडा बनाउन देशभरिका बार इकाइसँग छलफल गर्ने र विरोधका कार्यक्रम यथावत राख्ने जनाएको छ ।