-
-
-
-
काठमाडौं । प्रधानन्यायाधीश चोलेन्द्र शमशेर जबराले आइतबारका लागि ११ वटा इजलास तोकेका छन् ।
कानून व्यवसायीहरुले आइतबारबाट नयाँ चरणको आन्दोलनका कार्यक्रम घोषणा गरेर देशब्यापी इजलास बहिष्कार गर्ने तयारी गरिरहेका बेला जबराले आफूबाहेकका इजलास तोकेका हुन् ।
आइतबारका लागि संयुक्त र एकल दुवै इजलास तोकिएको छ भने सबै प्रकृतिका मुद्दा पेशीमा चढेका छन् ।
जबराको राजीनामा माग र प्रहरीको दमनविरुद्ध बार एसोसिएसनले देशभर बन्दी प्रत्यक्षीकरणबाहेकमा मुद्दामा बहस पैरवी नगर्ने घोषणा गरिसकेको छ । राजीनामालाई प्रमुख बटमलाइन बनाएको नेपाल बारले शुक्रबारसम्मका लागि तेस्रो चरणको आन्दोलन घोषणा गरेको हो ।
