-
-
-
-
नवलपुर । कावासोतीको लोकाहा खोलाको पुलबाट खसेर एक व्यक्तिको ज्यान गएको छ ।
मृत्यु हुनेमा नवलपुर बुलिङटार गाउँपालिकाको भारतीपुरका ३९ वर्षका नरबहादुर कुमाल रहेका छन् ।
मंगलबार दिउसो साइकलमा यात्रा गर्दै गर्दा उनी साइकलसहित पुलबाट खोलामा खसेको प्रहरीले जनाएको छ ।
उनलाई उपचारका लागि मध्यविन्दु अस्पतालमा पुर्याइए पनि उनलाई चिकित्सकले मृत घोषणा गरेको प्रहरीले जनाएको छ ।
उनी पुलबाट कसरी खसे भन्ने बिषयमा प्रहरी अनुसन्धानमा रहेको जनाइएको छ ।
