-
-
-
-
काठमाडौं । सर्वोच्च अदालतमा शुक्रबार गोलाप्रथाबाट पेसी तोकिएको छ । प्रधानन्यायाधीश विदामा रहेको र कामू प्रधानन्यायाधीश नतोकिएकै अवस्थामा पेसी तोकिएको हो ।
न्यायाधीशहरु आफैंले गोला तानेर ११ वटा पेसी तोकेका छन् । तर विगत दुई दिनदेखि गोला प्रणालीबाट पेसी तोकिँदै आएपनि सबैखाले मुद्दाको नियमित सुनुवाइ हुन भने सकेको छैन ।
यता, प्रधानन्यायाधीश चोलेन्द्र शमशेर जबरा अस्पतालबाट डिस्चार्ज भएका छन् । अस्पताल स्रोतका अनुसार उनको स्वास्थ्यमा सुधार देखिएकाले डिस्चार्ज गरिएको हो ।
कोरोना संक्रमणपछि सशस्त्र प्रहरी बल अस्पताल बलम्बु भर्ना भएका जबरा शुक्रबार बिहान डिस्चार्ज भएका हुन् । जबरा चार दिनअघि १२ मंसिरमा अस्पताल भर्ना भएका थिए ।
