-
-
-
-
काठमाडौं । काठमाडौं उपत्यकाको तापक्रम घट्दो क्रममा छ । मौसम पूर्वानुमान महाशाखाका अनुसार आज २.६ डिग्री सेल्सियसमा झरेको छ । हिजो शुक्रबार ३.४ डिग्री मापन भएको थियो ।
एकै दिन एक डिग्री झर्दा थप चिसो महसुस भइरहेको छ । न्यूनतम तापक्रम शनिबार बिहान तीन डिग्रीमा झरेको हो ।
मौसमविदहरुका अनुसार न्यूनतम र अधितम दुवै तापक्रम घट्न थालेपछि रातिसँगै दिउँसो पनि चिसो बढ्न थालेको छ ।
नेपालमा सबैभन्दा बढी चिसो जुम्लामा रहेको छ । त्यहाँ बिहान न्यूनतम तापक्रम माइनस ६ डिग्री पुगेको छ । शुक्रबार जुम्लाको तापक्रम माइनस ५.८ डिग्री थियो । आज माइनस ५.३ डिग्री रहेको छ ।
उच्च पहाडी तथा हिमाली क्षेत्रमा हिमपातका कारण पनि तापक्रम घटिरहेको मौसमविद्ले बताएका छन् ।
आज न्यूनतम तापक्रम दिपायलमा ४.९, डडेलधुरामा २.१, धनगढीमा ६.३, वीरेन्द्रनगरमा ४.४, नेपालगञ्जमा ६.८, घोराहीमा ७.५, पोखरामा ८.५, भैरहवामा ९.८, सिमरामा १०, ओखलढुङ्गामा ५.४ डिग्री रह्यो ।
त्यस्तै ताप्लेजुङमा ४.६, धनकुटामा ८.८, विराटनगरमा १० तथा जनकपुरमा १०.६ रह्यो ।
