नवलपुर । नवलपुरको गैडाँकोटमा ७२ वर्षीया वृद्धामाथि गएराति आफ्नै घरमा सुतिरहेको अवस्थामा चक्कुु प्रहार भएको छ । गैँडाकोट नगरपालिका वडा नं. १ स्थित नेरश मावि नजिकै स्थानीय ७२ वर्षीया रिमाकला भट्टराईमाथि चक्कु प्रहार भएको नवलपुर प्रहरी प्रवक्ता डिएसपी दिलिप कुमार गिरीले जानकारी दिएका छन ।
प्रवक्ता गिरीका अनुसार गएराति १० वजे आफ्नै घरमा सुतिरहेको बेला उनिमाथि चक्कु प्रहार भएको हो । चक्कु प्रहारबाट घाईते भट्टराईको चितवन मेडिकल कलेजमा उपचार भैरहेको र उनी बोल्न सक्ने अवस्थामा रहेको गिरीले बताए ।
लुटपाट गर्नका लागि उनीमाथि चक्कु प्रहार भएको हो अन्य कुनै कारणले हो एकिन नभएको गिरीले बताए । बोल्न सक्ने अवस्थामा रहेकाले उनको बयान लिएपछि मात्रै थप जानकारी दिन सक्ने गिरीले बताए ।
कोठामा सुतिरहेको बेला घाटी दवाएर चक्कु प्रहार गर्दा चिउडो अनुहार र आँखामा चोट लागेको प्रहरीले जनाएको छ। चितवन मेडिकल कलेजमा उपचार भैरहेको र आक्रमणकारीको खोजिकार्य भैरहेको प्रहरीले जनाएको छ ।
