-
-
-
-
काठमाडौं । भारतीय क्रिकेट टिमका पूर्व अलराउन्डर युवराज सिंह बाबु बनेका छन् । उनकी पत्नी बलिउड अभिनेत्री हेजल किचले मंगलबार छोरा पाएकी हुन् । युवराजले सामाजिक संजालमार्फत यसबारेमा जानकारी दिएका हुन् ।
युवराजले ‘म निकै खुशी छु, आशा छ तपाईहरुले हाम्रो गोपनीयतालाई सम्मान गर्नुहुनेछ ।’ उनले लेखेका छन्, ‘हाम्रा सबै प्रशंसक, परिवार र साथीहरुका लागि । यो कुरा शेयर गर्दा खुशी लागिरहेको छ । हामी एक छोराका अभिभावक बनेका छौं ।’
उनीहरुले सन् २०१६ को नोभेम्बर ३० मा बिहे गरेका थिए । उनीहरुले सिख र हिन्दू रीतिरिवाज अनुसार बिहे गरेका थिए ।
हेजल सलमान खान स्टारर बडीगार्डमा करीना कपूरकी साथीका रुपमा आएकी थिइन् । उनले पंवाबी तथा तेलुगु फिल्ममा पनि काम गरेकी थिइन् ।
