-
-
-
-
बुटवल । रुपन्देहीमा मोटरसाइकल दुर्घटना हुँदा दुई जनाको मृत्यु भएको छ ।
मृत्यु हुनेमा रुपन्देही गैडहवा गाउँपालिका वडा नं. ९ हात्तीबजारका २० वर्षीय प्रेम रुचाल र सोही ठाउँका २० वर्षीय राहुल थापा रहेका छन् ।
बुटवल उपमहानगरपालिका-१२ मिलनचोकमा आज बिहान भएको दुर्घटनामा दुई जनाको मृत्यु भएको हो ।
प्रहरीका अनुसार दुर्घटनामा एक जना गम्भीर घाइते भएका छन् । तीन जना सवार लु६०प ३६५२ नम्बरको मोटरसाइकल आज बिहान चार बजे अनियन्त्रित भएर पल्टिएको प्रहरीले जनाएको छ ।
इलाका प्रहरी कार्यालय बुटवलका अनुसार दुवै जनाको उपचारको क्रममा बुटवलस्थित लुम्बिनी प्रादेशिक अस्पतालमा मृत्यु भएको हो ।
दुर्घटनामा गम्भीर घाइते भएका मोटरसाइकल चालक रुपन्देहीकै २१ वर्षीय विमल रानाको सोही अस्पतालमा उपचार भइरहेको छ ।
