रुकुम । ट्र्याक्टर दुर्घटना हुँदा एक जनाको मृत्यु भएको छ । भूमे गाउँपालिका-४ करालबगरमा ट्र्याक्टर दुर्घटना हुँदा एक जनाको मृत्यु भएको हो । चार जना घाइते भएका छन् ।
मङ्गलवार बेलुकी करिब ६ बजेको समयमा भूमेबाट रुकुमकोटतर्फ आउँदै गरेको ट्र्याक्टर दुर्घटना हुँदा भूमे-८ का १९ वर्षीय सुनिल रोकाको मृत्यु भएको जिल्ला प्रहरी कार्यालयका प्रहरी निरीक्षक दीपेन्द्र बानियाँले जानकारी दिए ।
रा१च ३२४५ नंको ट्र्याक्टर दुर्घटना हुँदा गम्भीर घाइते भएका रोकाको उपचारका लागि दाङ लैजाँदै गर्दा बाटोमै मृत्यु भएको हो । घाइते हुनेमा ट्र्याक्टर चालकसहित चार जना रहेको छन् ।
प्रहरी निरीक्षक बानियाँका अनुसार अर्का भूमे-८ कै १९ वर्षीय सुन्दर रोकाको दाङमा उपचार भइरहेको छ ।
बाँकी तीन जनाको उपचार जिल्लास्थित अस्पतालमै भइरहेको बानियाँले बताए ।
ट्र्याक्टर अनियन्त्रित भएर दुर्घटनामा परेको प्रारम्भिक अनुसन्धानबाट खुलेको प्रहरी निरीक्षक बानियाँको भनाइ छ ।
ट्र्याक्टर सडकदेखि अन्दाजी ३०० मिटर तल खसेको थियो ।
