-
-
-
-
नवलपुर । नवलपुरको कावासोतीमा पोथी गैंडा मृत अवस्थामा फेला परेको छ । कावासोती नगरपालिका वडा नं १० को कृष्णसार मध्यवर्ती सामुदायिक वनमा करिब २८ वर्षको पोथी गैडा मृत फेला परेको चितवन राष्ट्रिय निकुञ्जका सूचना अधिकारी गणेश तिवारीले जानकारी दिएका छन् ।
तिवारीका अनुसार निउरो टिप्न सामुदायिक वनको बेल घारी सोरहामा गएका स्थानीयहरुले गैंडा मृत अवस्थामा देखेपछि निकुञ्ज प्रशासनलाई खबर गरेका थिए ।
मृत गैंडाको खाग र खुर सुरक्षित रहेको तिवारीले बताए । योसँगै चालू आर्थिक वर्षमा ३० वटा गैंडा मृत फेला परेका तिवारीले बताए । ३० मध्ये २८ गैंडा प्राकृतिक कारणले मरेका हुन् ।
