-
-
-
-
नवलपरासी पश्चिम । नवलपरासी पश्चिम गण्डक नहरमा तैरिरहेको अवस्थामा दुई वटा बेवारिसे शव फेला परेको छ ।
जिल्लाको प्रतापपुर गाउँपालिका वडा नं ७ गुठी सुर्यपुरा स्थित नेपाल गण्डक प्राधिकरण जल बिद्युत् केन्द्र पावर हाउसको पूर्व दिशाको गण्डक नहरमा अन्दाजी २५- ३० र ३५ - ४० वर्षको दुई वटा पुरुषको शव एउटै ठाउँमा तैरिरहेको अवस्थामा फेला परेको जिल्ला प्रहरी कार्यालय नवलपरासी पश्चिमले जनाएको छ ।
शव सडेकाले पहिचान खुल्न नसकेको प्रहरीले बताएको छ । दुबै शवको मुचुल्का उठाई पोस्टमार्टमका लागि पृथ्वीचन्द्र अस्पताल परासी पठाइएको जिल्ला प्रहरी कार्यालय नवलपरासीका सूचना अधिकारी प्रेम बहादुर शाहीले बताए ।
