पत्रकार महासंघ ६७ औं स्थापना दिवस मनाउँदै, बिहान प्रभातफेरी
हाम्रा कुरा
प्रकाशित २०७८ चैत १६ बुधबार
597
Shares
काठमाडौं । नेपाल पत्रकार महासंघले आज विविध कार्यक्रम गरी ६७ औं स्थापना दिवस मनाइरहेको छ । स्थापना दिवसको अवसरमा बिहान प्रभातफेरी निकालिएको छ ।
महासंघको केन्द्रीय कार्यालय सञ्चारग्राममा प्रभातफेरी निकालिएको हो । र्याली सिनामंगलबाट शुरु भएको थियो । महासंघ केन्द्रीय समितिले रक्तदान, निःशुल्क स्वास्थ्य परीक्षणलगायत विभिन्न कार्यक्रमहरु राखेको छ।
हरेक जसो जिल्लाहरुले महासंघको स्थापना दिवसमा विविध कार्यक्रम गरिरहेका छन् ।
२०१२ साल चैत १६ गते कृष्णप्रसाद भट्टराई (नेपाली कांग्रेसका संस्थापक नेता एवं पूर्व प्रधानमन्त्री) सहितका अग्रजहरुले स्थापना गरेको संगठनले विभिन्न उतारचढाव पार गरेको ६६ वर्ष पूरा गरेको हो ।
महासंघले प्रेस तथा अभिव्यक्ति स्वतन्त्रता हननका घटना भइरहेकाले पत्रकारको भौतिक र पेशागत सुरक्षाको चुनौती गम्भीर बनेको जनाएको छ ।
