दोलालघाटमा केएमसीको स्वास्थ्य शिविर, ११ सय बिरामीको निःशुल्क उपचार

हाम्रा कुरा

प्रकाशित २०७८ चैत २८ सोमबार

काभ्रे । काभ्रेको भुल्लु गाउँपालिका–७ फलाटेस्थित दोलाल घाटमा आइतबार निःशुल्क स्वास्थ्य शिविर सञ्चालन गरिएको छ । काठमाडौंको सिनामंगलस्थित काठमाडौं मेडिकल कलेज र स्थानीय शारदा माध्यमिक विद्यालयको सहकार्यमा शिविर सञ्चालन गरिएको हो ।

विद्यालय प्रांगणमा सञ्चालित शिविरमा ११७२ जनाको निःशुल्क स्वास्थ्य परीक्षण गरिएको छ । शिविरमा २१३ जनाको रक्त परीक्षण, १८६ जनाको भिडियो एक्सरे र ९७ जनाको ईसीजी गरिएको केएमसीका जेनेरल मेनेजर नारायण दाहालले जानकारी दिए ।

त्यस्तै दाँतको समस्या भएर शिविरमा आएका ४३ जनाको दाँत फुकालिएको छ भने शिविरमा उपचार सम्भव नभएका ३७ जना बिरामीलाई शल्यक्रियाका लागि अस्पताल रेफर गरिएको आयोजकले जनाएको छ ।