एमालेका गाउँपालिका अध्यक्ष उम्मेदवार जसपामा प्रवेश
हाम्रा कुरा
प्रकाशित २०७९ वैशाख ८ बिहिबार
937
Shares
वीरगञ्ज । पर्साको छिपहरमाई गाउँपालिकामा नेकपा एमालेबाट अध्यक्षमा उम्मेदवारी दिएका रञ्जित साहसहित १ सय भनदा बढीले जनता समाजवादी पार्टी (जसपा) मा प्रवेश गरेका छन् ।
वीरगञ्जको ओमआश्रमस्थित जसपा पर्साको कार्यालयमा आयोजित पार्टी प्रवेश कार्यक्रममा साहसति ताराचन्द पण्डित, हफिज मियाँ, शुकराज साह कानु, धुरी साह कानु, नाजिर मियाँ, रसुल मियाँ, भिक्हम अन्सारी, अब्दुल मियाँ लगायत १ सय भन्दा बढीले विभिन्न पार्टी परित्याग गरी जसपामा प्रवेश गरेका हुन् ।
जसपा पर्साका अध्यक्ष रामनरेश प्रसाद यादवको सभापतित्वमा सम्पन्न पार्टी प्रवेश कार्यक्रमलाई पर्सा क्षेत्र नम्बर १ का प्रतिनीधिसभा सदस्य प्रदीप यादव, हरिनारायण रौनियार, केन्द्रिय सदस्य फिरोज मन्सुर, मधेश प्रदेशका प्रदेशसभा सदस्य सिँहासन साह कलवार, जनत अन्सारी, वीरगञ्ज महानगरपालिकाका मेयरका उम्मेदवार राजेशमान सिंह, मधेश प्रदेश समिति सदस्य गौरीशंकर साह, पोखरिया नगरपालिकाकी उपप्रमुख सल्मा खातुन लगायतले सम्बोधन गरेका थिए ।
