वीरगञ्ज । एमालेबाट वीरगञ्जमा मेयर पदका उम्मेदवार बनेका विजय कुमार सरावगीको पक्षमा जनलहर बढ्दै गएको छ । एमालेले आयोजना गरेको घर दैलो तथा जनता दर्शन कार्यक्रममा एमालेका उम्मेदवार हरुलाई जिताउन शक्ति प्रदर्शन हुन थालेको छ ।
आज वीरगञ्जको ३, ९ र १३ एवं १४ लगायतका वडाहरूमा आयोजना गरेको घर दैलो कार्यक्रममा हजारौँको सहभागी थिए ।
निर्वाचनको लागि दलका उम्मेदवारहरूले जसरी पनि जित्नै पर्ने गरि आफुले भ्याए सम्मको अभियान शुरु गर्न थालेका छन् । प्रचार अभियानले तीव्रता ल्याएसँगै अव कसको पल्ला भारी भन्ने सम्बन्धमा अनुमान लगाउन थालिएको छ ।
घर दैलोमा एमालेका मेयर पदका उम्मेदवार विजय कुमार सरावगी, उप प्रमुखका उम्मेदवार लोसपाका पुरुषोत्तम लाल झा वडा अध्यक्षका उम्मेदवारहरू सुशील कुमार कण्ठ – बमबम ), मिनाक्षी गुप्ता, हिरा गिरि, भरत कुर्मी लगायतको सहभागिता रहेको थियो ।
उनीहरूले जनतासँग बीरगंजको समृद्धिको लागि एमालेको उम्मेदवारहरूलाई जिताउनको लागि आग्रह गरेको समेत थिए ।
