-
-
-
-
भरतपुर । नेकपा माओवादी केन्द्रकी नेतृ एवं भरतपुर महानगरपालिकाकी मेयरकी उम्मेदवार रेणु दाहालले अबको पाँच वर्षमा आफूले फिल्म देखाउने बताएकी छिन् ।
निवर्तमान मेयरसमेत रहेकी दाहालले बितेको पाँच वर्षमा आफूले चितवनमा कामको ट्रेलर मात्रै देखाएको भन्दै अबको पाँच वर्षमा फिल्म देखाउने बताएकी हुन् ।
भरतपुरमा भइरहेको पाँच दलीय गठबन्धनको संयुक्त चुनावी सभालाई सम्बोधन गर्दै दाहालले आफूले पाँच वर्षमा सकेसम्म काम गरेको भन्दै अबको पाँच वर्षमा बाँकी रहेका कामहरुलाई पूर्ण गर्ने वचन दिइन् ।
२०७४ सालको स्थानीय तहको निर्वाचनमा रेणु दाहाललाई जिताउन कांग्रेसले गठबन्धन गरेको थियो । उनले अब पाँच दलीय गठबन्धन नतोडिने भन्दै यसलाई थप सशक्त बनाएर अगाडि बढ्नु पर्ने बताइन् ।
शिक्षा, स्वास्थ्य र निर्माणमा धेरै काम गरेकोसमेत सम्बोधनका क्रममा सुनाइन् ।
