ओली भन्छन् - आइफिल भन्ने इन्जिनियर बुद्धिमानी रहेनछन् कि के हो ?

हाम्रा कुरा

प्रकाशित २०७९ जेठ ८ आइतबार

काठमाडौं । पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले आफुले भ्यू टावर बनाउने काम गरेर सही गरेको बताएका छन् । कवि मिना श्रेष्ठको पुस्तक सफल विमोचन कार्यक्रममा बोल्दै अध्यक्ष ओलीले यस्तो बताएका हुन् ।

नेपाली कांग्रेसले भ्यू टावर नबनाउने प्रतिबद्धता जनाएकोप्रति व्यङ्ग गर्दै उनले भने,' एक पार्टीले भ्यू टावर नबनाउने प्रतिबद्धता व्यक्त गरेको छ । फ्रान्सको आइफिल टावर बनाउने इन्जिनियर बुद्धिमानी रहेनछन् कि के हो । '

आफूले राजनीतिक भाषण नगर्ने भन्दै ओलीले भने,' एउटा पार्टीले आफ्नो घोषणा पत्रमै भन्यो भ्यू टावर बनाउँदैनौ । भ्यू टावर बनाउने काम छैन । आइफिल भन्ने इन्जिनियर जसले आइफिल भन्ने टावर बनाए बुद्धि नभएका रहेछन् कि के हो । जो फ्रान्सको प्रतीक भएको छ । जसले फ्रान्सलाई अर्बौँको आम्दानी दिएको छ । भ्यू टावर भनेको केही पनि होइन टुप्पामा धान पनि फल्दैन भन्ने बुझ्न भएन ।'