-
-
-
-
काठमाडौं । बंगलादेश भ्रमणमा रहेको बेष्ट इन्डिज जित नजिक पुगेको छ । पहिलो खेलको तेस्रो दिन वेष्ट इन्डिज केमार रोच (५३/५) र अल्जारी जोसेफ (५५/३) को सटिक बलिङले जीत नजिक पुगेको हो ।
एन्टिगुवाको सर भिभियन रिचर्ड्स स्टेडियममा भइरहेको खेलको दोस्रो इनिङ्समा बंगलादेशले जितका लागि ८४ रनको लक्ष्य दिएको थियो ।
बंगलादेशले दिएको ८४ रनको लक्ष्य पछ्याएको वेष्ट इन्डिजले तेस्रो दिनको खेल सकिँदा तीन विकेटमा ४९ रन बनाएको छ ।
जर्मेन ब्ल्याकवुड (१७) ओपनर जोन क्याम्पबेल (२८)सँग अविजित फर्किए। टोलीले पहिलो चार ओभरमा ९ रनमा तीन विकेट गुमाएको थियो ।
बंगलादेशका लागि खालिद अहमदले तीन विकेट लिए । बंगलादेशको टोलीले दुई विकेट गुमाएर ५० रन बनाएर खेल शुरु गरेको थियो ।
पहिलो इनिङ्समा १०३ रनमा आउट भएको टोलीले दोस्रो इनिङ्समा २४५ रन मात्रै बनाउन सकेको थियो ।
बंगलादेशको तर्फबाट कप्तान शकिब अल हसन (६३) र विकेटकिपर नुरुल हसन (६४) मात्रै पचास रन बनाउन सके ।
