-
-
-
-
काठमाडौं । हंगेरीको बुडापेस्टमा जारी १९औं फिना विश्व च्याम्पियनसिपमा नेपालको प्रतिनिधित्व गरिरहेका नासिर हुसेनले पुरुष २०० मिटर फ्रिस्टाइलमा राष्ट्रिय कीर्तिमान कायम गरेका छन् ।
नासिरले फ्रिस्टाइल निर्धारित दूरी दुई मिनेट ००.९९ सेकेन्डमा पूरा गर्दै राष्ट्रिय कीर्तिमान कायम गरेको नेपाल पौडी संघका अध्यक्ष अशोक बज्राचार्यले जानकारी दिए । नासिरले यसअघि दुई मिनेट ०१.६० सेकेन्डको कीर्तिमान भंग गरेका हुन् ।
प्रतियोगितामा नेपालको तर्फबाट नासिरसँगै महिलामा डुवाना लामा सहभागी छन् । त्यस्तै दुआना लामाले पनि राष्ट्रिय कीर्तिमान तोडेकी छिन् ।
उनले १०० मिटर ब्रेष्टस्ट्रोकमा १ मिनेट १७.५८ सेकेन्डको रेकर्ड राखेकी हुन् । यसअघि १ मिनेट १७ ८८ सेकेन्डको कीर्तिमान रहेको थियो ।
