क्रिस्टियानो रोनाल्डोको २६ करोडको कार पर्यो दुर्घटनामा
हाम्रा कुरा
प्रकाशित २०७९ असार ८ बुधबार
435
Shares
काठमाडौं । म्यानचेस्टर युनाइटेडका स्टार स्ट्राइकर क्रिस्टियानो रोनाल्डोको कार दुर्घटनामा परेको छ । रोनाल्डोको कार सोमबार बिहान स्पेनको मालोर्कासहरको एउटा घरको प्रवेशद्वार अगाडि दुर्घटना भएको थियो ।
विश्वका धनी खेलाडीमध्ये एक रोनाल्डोसँग धेरै लक्जरी कार छन् । यी मध्ये एउटा कारमा बुगाटी भेयरोन दुर्घटनामा परेको हो । यो कारको मूल्य लगभग २६ करोड नेपाली रुपैयाँ पर्छ ।
कारलाई रोनाल्डोका एक कर्मचारीले चलाइरहेका थिए । जसले नियन्त्रण गुमाए जसले गर्दा दुर्घटना भएको हो । यस दुर्घटनाका कारण बुगाटी भेयरोनको अगाडिको भागमा क्षति पुगेको छ । चालकलाई चोटपटक भने लागेको छैन ।
दुर्घटनाको समय रोनाल्डो कारमा थिएनन् । रोनाल्डो अहिले आफ्नो परिवारसँग स्पेनमा छुट्टी मनाउँदै छन् । उनी यसै महिनाको अन्त्यमा म्यानचेस्टर युनाइटेडको प्रि-सिजन सुरु हुनुअघि बेलायत फर्कनेछन्।
पोर्चुगलका क्रिस्टियानो रोनाल्डो व्यावसायिक फुटबलको इतिहासमा सर्वाधिक गोल गर्ने खेलाडी बनेका छन् । रोनाल्डोले यो वर्ष जोसेफ बीकनलाई पछि पारेका थिए, जसले फिफा रेकर्ड अनुसार कुल ८०५ गोल गरेका थिए।
यति मात्र होइन, रोनाल्डो अन्तर्राष्ट्रिय फुटबलमा सर्वाधिक गोल गर्ने खेलाडी पनि हुन् ।
