-
-
-
-
काठमाडौं । पोर्चुगलका फुटवलर क्रिस्टियानो रोनाल्डोको कारले अर्काको गेट उडाएको छ । रोनाल्डोको कारले स्पेनको मालोर्कासहरको एउटा घरको प्रवेशद्वार उडाएको हो ।
दुर्घटनाको समय रोनाल्डो कारमा थिएनन् । रोनाल्डो अहिले आफ्नो परिवारसँग स्पेनमा छुट्टी मनाउँदै छन् । उनी यसै महिनाको अन्त्यमा म्यानचेस्टर युनाइटेडको प्रि-सिजन सुरु हुनुअघि बेलायत फर्कनेछन्।
विश्वका धनी खेलाडीमध्ये एक रोनाल्डोसँग धेरै लक्जरी कार छन् । यी मध्ये एउटा कारमा बुगाटी भेयरोन दुर्घटनामा परेको हो । यो कारको मूल्य लगभग २६ करोड नेपाली रुपैयाँ पर्छ ।
कारलाई रोनाल्डोका एक कर्मचारीले चलाइरहेका थिए । जसले नियन्त्रण गुमाए जसले गर्दा दुर्घटना भएको हो । यस दुर्घटनाका कारण बुगाटी भेयरोनको अगाडिको भागमा क्षति पुगेको छ । चालकलाई चोटपटक भने लागेको छैन ।
रोनाल्डो व्यावसायिक फुटबलको इतिहासमा सर्वाधिक गोल गर्ने खेलाडी हुन् ।
