-
-
-
-
पोखरा । १२ औं राष्ट्रिय राष्ट्रपति रनिङ शिल्डमा गण्डकी प्रदेशले छात्र भलिबलमा स्वर्ण पदक जितेको छ । लुम्बिनी प्रदेशविरुद्ध भएको फाइनल खेलमा ३-२ ले जित निकाल्दै गण्डकीले स्वर्ण पदक जितेको हो ।
पहिलो र दोश्रो सेट २५-११ र २५-१० ले सहज रुपमा आफ्नो पक्षमा पारेको गण्डकीले तेश्रो र चौथो सेट भने लुम्बिनीलाई सुम्पिन पुग्यो ।
लुम्बिनीले तेश्रो सेट २५-२० र चौथो सेट २५-२० मा जितेर गण्डकीलाई दबाबमा राखेको थियो ।
तर अन्तिम तथा पाँचौ सेट भने गण्डकीले १५-१२ ले आफ्नो पक्षमा पार्दै स्वर्ण पदक हात पारेको गण्डकी प्रदेश भलिबल संघका अध्यक्ष नविनकुमार गुरुङले जानकारी दिए । जारी प्रतियोगितामा योसहित गण्डकीले कुल पाँच स्वर्ण जितेको छ ।
