तीजमा चेलीहरू माइत जाँदा तीन वर्ष सम्मका पोथ्रा नाघेर जान्छन् : ओली

हाम्रा कुरा

प्रकाशित २०७९ साउन १६ सोमबार

काठमाडौं । नेकपा एमालेका अध्यक्ष केपी शर्मा ओलीले हरितालिका चिजले नारीहरूमा उल्लास थप्ने बताएका छन् । आइतबार एक कार्यक्रममा तीजमा चेलीहरू माइत जाँदा ३ वर्ष सम्मका रुखा पोथ्रा नाघेर जान्छन् भन्दै उखान टुक्का भरे ।

तीजमा दाजुभाइले बोलाए चेलीबेटीको सबै पिर सकिने बताए । ओलीले भने,' कहिले कहिले चेलीबेटीहरूले असाध्यै चित्त दुखाउँछन्, दाजुभाइहरू सँग । निम्ता पनि गरेन, बोलाउन पनि बोलाएन भनेर बढो चित्त दुखाउँछन् । तीजमा बोलाइदिई सकेपछि सबै राफसाफ भइहाल्छ । २,३ दिन अगाडीबाट गीत गाउँदै हुन्छन्, बोलाइँदैन कि क्या हो भनेपछि अल्लि टाढा माइती छ भने बोलाउने भएनन् भनेर गीत गाउँदै गरेका हुन्छन् । तीजका बेलामा सबै जान्छन् माइत ।'

रुखा पोथ्रा नाघेर जान्छन् भन्दै उनले आफुले नदेखेको सुनाए । उनले भने, 'यस्तोमा बोलाइदियो भने चाडै खुसी भएर, टाढै भए पनि, एउटा भनाई छ, तीजमा चेलीहरू माइत जाँदा ३ वर्ष सम्मका पोथ्रा चाहिँ नाघेर जान्छन् । भनेपछि कति खुसी हुन्छन् । ३ वर्षका रुखका पोथ्राहरू त कति ठुला हुन्छन् होला, ती पनि नाघेर जान्छन् । यो भनाई छ, यो चलन छ । नाग्छन् कि नाग्दैनन् त्यो त मालाई थाहा छैन, मैले देखेको पनि छैन ।'