-
-
-
-
काठमाडौं । सडकमा असहाय छोडिएका गाईको संरक्षण एवं पितृ मुक्तिको सङ्कल्पले १०८ श्रीमद्भागवत महापुराण सुरु भएको छ ।
गोकर्णेश्वर नगरपालिका–३ सुन्ताखानमा रहेको दधिमथी गौ सेवा नेपालको आयोजनामा पितृ मुक्ति तथा गौ रक्षाका लागि महापुराण साउन ३० गतेदेखि सुरु भएको हो ।
महापुराणबाट जम्मा भएको सहयोग सुन्ताखानमा संरक्षण गरिएका ४० गाईको सेवामा लगाइने गौ सेवाका संस्थापक अध्यक्ष नरत्न शर्मा दधिचीले राससलाई जानकारी दिए ।
संस्थाले छ वर्षअघिदेखि साढे दुई रोपनी जग्गा मासिक रु ५० हजार भाडामा लिई सडकमा छाडा छोडिएको असहाय गाईको संरक्षण गर्दै आएको छ ।
यी गाई संरक्षणको मुख्य स्रोत यस्तै यज्ञ, पूजा, पाठलगायत स्रोतबाट जम्मा गरिने संस्थाकी अध्यक्ष पूजा अग्रवालले बताए ।
