-
-
-
-
मैले आफूलाई परिवर्तन गर्न लाखौं प्रयत्न गरेँ
जीवनलाई परिवर्तन गर्न हजारौं युद्धहरु लडेँ
विचार परिवर्तनको कठोर लडाइँ लडेँ
तर सबैमा म आफैँ असफल भएँ
आज म विचारका लडाइँको अन्तिम प्रयासमा छु
आफैँलाई परिवर्तन गर्ने तयारीमा छु
पुराना विचारहरुलाई फालेर
नयाँ विचारहरु रोप्ने तयारीमा छु
विचार परिवर्तन, जीवन परिवर्तन
भन्ने मन्त्र बुझेर
आज म जीवन परिवर्तनमा जुटेको छु
विचार परिवर्तनबाटै समाज परिवर्तन
हुन्छ भन्ने तथ्य बुझेर
आज म समाज परिवर्तनको तयारीमा छु
अब म विचारको एटमबमले सुसज्जित भएर
बम फाल्ने तयारीमा छु
सावधान !
(अल्डी, भर्जिनिया, मार्च २०१५, ‘हृदयका स्पन्दनहरु’ कृतिबाट)
