-
-
-
-
काठमाडौं । इटहरी उपमहानगरपालिकाका पूर्वमेयर द्वारिकलाल चौधरी माओवादी केन्द्रमा प्रवेश गरेका छन् । नेकपा एमालेका पूर्वमेयर चौधरीलाई माओवादी केन्द्रका अध्यक्ष पुष्पकमल दाहाल प्रचण्डले पार्टीमा भित्र्याएका हुन् ।
आइतबार बिहान चौधरीसहित एमालेका नेता–कार्यकर्ता माओवादीमा प्रवेश गरेका हुन् । माओवादीमा चौधरीको प्रवेशले इटहरीमा एमाले कमजोर बनेको छ ।
इटहरी १७ रैथाने चौधरी २०४१ सालदेखि एमालेको राजनीतिमा रहेका थिए । उनी त्यतिबेला अनेरास्ववियुमा लागेका थिए ।
निरन्तर राजनीतिमा संघर्षरत चौधरी २०६४ को पहिलो संविधान सभा सदस्य निर्वाचनमा एमालेको समानुपातिक उम्मेदवार भएका थिए ।
२०७२ सालमा एमाले सुनसरी जिल्ला अध्यक्ष भएका थिए ।
त्यस्तै २०७४ को स्थानीय तहको निर्वाचनमा इटहरी उपमहानगरपालिकाको मेयर निर्वाचित भएका थिए ।
माओवादीमा प्रवेश गरेपछि चौधरी प्रदेश सांसदमा लड्ने बुझिएको छ ।
