-
-
-
-
काठमाडौं । बंगलादेशको राजधानी ढाकामा आयोजना हुने यू–१५ महिला साफ च्याम्पियनशिप फुटबलको खेल तालिका सार्वजनिक भएको छ ।
दक्षिण एसियाली फुटबल महासंघ (साफ) ले सोमबार खेल तालिका सार्वजनिक गरेको हो । प्रतियोगितामा नेपालसहित आयोजक बंगलादेश र भुटानले प्रतिस्पर्धा गर्ने छन् ।
नोभेम्बर १ देखि ११ सम्म डबल राउण्ड रोबिन लिगको आधारमा हुने प्रतियोगितामा नेपालले पहिलो खेलमा भुटानसँग नोभेम्बर ३ मा खेल्नेछ । यस्तै नेपालले दोस्रो खेलमा बंगलादेशसँग नोभेम्बर ५, भुटानसँग फेरि नोभेम्बर ९ र नोभेम्बर ११ मा बंगलादेशसँग खेल्नेछ ।
शीर्ष टोलीले उपाधि जित्नेछ । प्रतियोगिताका लागि बन्द प्रशिक्षणमा ३० खेलाडी रहेका छन् ।
