-
-
-
-
काठमाडौं । देशभर चिसोका कारण जनजीवन कष्टकर रहेको छ । उच्च पहाडी तथा हिमाली भू-भागमा हल्का हिमपात र तराईका धेरै भू-भागहरूमा हुस्सु/कुहिरो लागेर दैनिक जनजीवन कष्टकर बनेको छ ।
जल तथा मौसम विज्ञान विभागका अनुसार आज देशको पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ। सुदूरपश्चिम र कर्णाली प्रदेशका उच्च पहाडी तथा हिमाली भू-भागहरूका एक-दुई स्थानमा हल्का हिमपातको सम्भावना रहेको छ।
भोलि आइतबार प्रदेश १ का पहाडी भू-भागमा आंशिक बदली रही देशका बाँकी भू-भागमा मौसम सामान्यतया सफा रहनेछ।
सोमबार भने देशभर मौसम सामान्यतया सफा रहनेछ। सुदूरपश्चिम प्रदेश, कर्णाली प्रदेश, र गण्डकी प्रदेशमा आंशिक देखि सामान्य बदली रही बाँकी भू-भागमा आंशिक बदली देखी मौसम सामान्यतया सफा रहनेछ।
