प्रेम आचार्यको मृत्युपछि गृहमन्त्रीले भने- म दोषी छु

हाम्रा कुरा

प्रकाशित २०७९ माघ ११ बुधबार

काठमाडौं । आत्मदाहबाट इलामका प्रेम प्रसाद आचार्यको मृत्युपछि उपप्रधान तथा गृहमन्त्री रवि लामिछानेले उनको निर्णय फेर्न नसक्नमा आफू दोषी भएको बताएका छन् ।

गृहमन्त्रीले आज ट्विट गर्दै नयाँ दलहरूको आगमनले समेत आत्मदाहको निर्णय फेर्न नसकेकोमा आफू दोषी रहेको बताएका हुन् । नयाँ दल र नेताको रूपमा आफूहरूले आशा जगाउन नसकेको भन्दै माफ समेत मागेका छन् ।

'आत्मदाहको निर्णय हिजो देखिको निराशा र पिडाको परिणाम हो।दुख त यसमा लागेको छ कि हामी जस्ता नयाँ हरुको आगमनले समेत तपाईँमा आशा जगाउन सकेन,आत्मदाहको निर्णय फेर्न सकेन। यसमा हामी दोषी छौं, म दोषी छु । प्रेम आचार्य जी,नयाँ दल र नेताको रूपमा तपाईँमा आशा जगाउन सकिनौ, हामीलाई माफ गर्नु होला।' गृहमन्त्री लामिछानेले लेखेका छन् ।