बुटवलमा जारी लिग नकआउटमा जनज्योति हराउँदै विश्व शान्ति विजयी

नारायण वली,

प्रकाशित २०७९ माघ २५ बुधबार

रुपन्देही । बुटवलमा जारी रुपन्देही जिल्ला लिग नकआउट छनौट प्रतियोगिता-२०७९ का प्रतिष्पर्धात्मक खेलहरु अन्तिम चरणमा निकै रोचक बन्दै गएका छन् । दीपनगर स्थित सिद्धेश्वर खेल मैदानमा जारी खेलमा सोमवार विश्व शान्ति क्लव सालझण्डी र जनज्योति क्लव डिङ्गरनगर विच निकै रोचकपूर्ण कडा खेल भयो ।

खेलको समयावधि भित्र दुबै टिमले वरावर गोल गरेपछि खेल थप रोचक बन्यो । प्रतियोगिता हेर्न गएका खेलप्रेमी दर्शकहरु हुटिङका साथ उत्साहित हुँदै खचाखच भरिएका थिए ।

प्रतिष्पर्धात्मक खेलमा दुबै टिमले गोल वरावर गरेपछि पेनाल्टी सुट आउट ड्र सर्ट एण्ड डेथमा सालझण्डीले १ गोल गरेर विजयी हुन पुग्यो । रुपन्देही जिल्ला फुटबल संघको आयोजनामा भएको खेलमा १६ वटा टिमको नाम दर्ता भएपनि हालसम्म १२ वटा टिम बाहिरी सकेको र अब ३ वटा टिमको प्रतिष्पर्धा हुने आयोजकले बताएको छ ।

माघ २७ गतेसम्म चल्ने प्रतियोगिता मंगलवार (भोली) हिमाल युवा क्लव मणिग्राम र नव युग साँस्कृत तथा खेलकुद परिवार ठुटिपिपल ओमसतिया विच हुने खेल संयोजक दिपक गुरुङले जनाएका छन् ।