नव युवा क्लबलाई पाखा लगाउँदै हिमाल युवा क्लब फाइनलमा

नारायण वली,

प्रकाशित २०७९ माघ २५ बुधबार

रुपन्देही । बुटवलमा जारी रुपन्देही जिल्ला लिग नकआउट छनौट प्रतियोगिता-२०७९ फाइनल चरणमा पुगेको छ । १६ वटा टिमले सहभागीता जनाएको लिग नकाउट खेलमा बुधबारसम्म १४ वटा टिमको प्रतिष्पर्धात्मक खेलहरु सम्पन्न भएका छन् ।

बुधवार भएको खेलमा नव युवा साँस्कृतिक क्लब परिवार ठुटीपिपल ओमसतिया र हिमाल यिवा क्लव मणिग्राम बिच कडा प्रतिष्पर्धा भएको थियो । खेल सञ्चालन भएको ८० मिनेटमा दुबै टिमले बराबरी २-२ गोल गरेका थिए । पुन: नव युवा साँस्कृत क्लव परिवारले १ गोल गरेपछि हिमाल युवा क्लवले पनि जवाफी गोल फर्काएको थियो । बराबरी गोल पश्चात् निर्धारित समय सकिएपछि ट्राई ब्रेकर पेलाल्टी सुट आउटमा नव युवा साँस्कृतिक क्लबलाई हिमाल युवा क्लबले ४-३ ले हरायो ।

माघ २७ गतेसम्म चल्ने प्रतियोगिताको फाइनल खेल माग २७ गते दिउँसो ३ बजेदेखि हुने भएको छ । फाईनल खेल विश्व शान्ति क्लव सालझण्डी र हिमाल युवा क्लव मणिग्रामबीच हुने खेल संयोजक दिपक गुरुङले बताएका छन् ।