काठमाडौं । राष्ट्रपति निर्वाचनमा नेकपा एमाले अध्यक्ष केपी शर्मा ओलीको अनुरोधलाई नेकपा एकीकृत समाजवादीले अस्वीकार गरेको छ । एमालेले नेता सुवास नेम्वाङले राष्ट्रपतिमा उम्मेद्धारी दिएसँगै एसलाई औपचारिक पत्र पठाएको थियो ।
प्रवक्ता जगन्नाथ खतिवडाले एमालेको अनुरोधलाई स्वीकार गर्ने स्थिति नरहेको बताएका छन् । उनले एमालेले पत्र लेखेर समर्थन मागेर संवादको ढोका भने खोलेको बताए ।
केही समय अघिसम्म एकीकृत समाजवादीलाई पार्टीको हैसियतमा मान्न तयार नभएको एमालेले अध्यक्ष माधवकुमार नेपाललाई सम्बोधन गरी औपचारिक पत्र पठाएको थियो ।
यता पछिल्लो समीकरण अनुसार माधव कुमार नेपाललाई दुई वर्ष प्रधानमन्त्रीको कार्यकाल दिने सहमति भएको छ।